UZBEKISTAN BUSINESS LEADERS (UBL) DASTURI

AQShning O‘zbekistondagi elchixonasi tomonidan moliyalashtiriladigan Uzbekistan Business Leaders dasturi biznes, tadbirkorlik, innovatsiyalar, ijtimoiy tadbirkorlik, mintaqaviy iqtisodiy rivojlanish va texnologiyalar sohalarida kamida besh yillik yetakchilik tajribasiga ega bo‘lgan o‘zbekistonlik ishbilarmonlar va tadbirkorlar uchun mo‘ljallangan dasturdir.

UBL quyidagilarni o'z ichiga oladi:

• AQShda to'rt haftalik moslashtirilgan ish joyi tajribasi

• Samarali muloqot, muzokaralar olib borish va ishontira olish bo'yicha malaka oshirish seminarlari

• AQSh biznesi bilan moslashtirilgan o'zaro loyihani ishlab chiqish imkoniyati

• Chuqurlashtirilgan ustoz-shogird dasturi

DASTUR MAQSADLARI:

• O‘zbekistonlik biznes tadbirkorlikni rivojlantirish uchun ko‘nikma, bilim va ilhom berish hamda AQSh tadbirkorlari va bizneslari bilan tanishish, ularga jahon bozorida raqobatga kirishishda yordam berish

• O‘zbekiston biznes yetakchilarni innovatsiyalar va tadbirkorlikning yangi shakllariga jalb qilish

• O‘zbekistonlik istiqbolli biznes yetakchilari va tadbirkorlariga AQSh biznes siyosati va amaliyotida tajriba orttirish hamda ular bilan tanishish imkoniyatini berish

• Iqtisodiy rivojlanishga intilish tarafdori bo‘lgan o‘zbek biznes sohasi vakillarining yetakchilik va texnik mahoratini oshirish

DASTUR TALABLARI

Ishtirokchilar:

• 27-50 yoshli oʻrta bo’g’in mutaxassisi boʻlishi (1974-yil 9-aprel va 1996-yil 8-noyabr oralig’ida tug’ilgan)

• O‘zbekiston Respublikasi fuqarosi va rezidenti bo‘lishi

• Ingliz tilida yozma va og’zaki muloqot qila olishi

• Oliy ma’lumotli bo’lishi

• Biznes, tadbirkorlik, innovatsiyalar, ijtimoiy tadbirkorlik yoki hududiy iqtisodiy rivojlanish sohasida kamida besh yillik tegishli ish tajribasiga ega bo‘lishi

• Yetakchilik va hamkorlik qobiliyatlarini namoyish eta olgan bo’lishi kerak

ARIZA TOPSHIRISH MUDDATI:

2024-yil yozgi/2025-yil bahorgi dasturlar uchun hujjatlaringizni 2024-yil 10-yanvar, Toshkent vaqti bilan soat 23:59 gacha topshirishingiz mumkin.