English Access Microscholarship Program (Access) dasturi

Access dasturi kam ta’minlangan oilalardan bo’lgan 13-20 yoshdagi iqtidorli o‘g‘il-qizlarga ingliz tilini o’qitishga asoslangan bo’lib, mashg’ulotlar maktabdan keyingi darslar hamda intensiv shaklda amalga oshiriladi. Dastur ishtirokchilar uchun yaxshi ish o'rinlariga ega bo’lish va ta'lim istiqbollariga erishish uchun zarur bo’lgan ingliz tili bilimlarini beradi. Shuningdek, ishtirokchilar kelajakda almashinuv dasturlarda qatnashish hamda AQSH da ta’lim olish uchun kerak bo’lgan ko’nikmalarni egallaydilar.

Access dasturi AQSh Davlat Departamentining Ta'lim va Madaniyat Masalalari Byurosi tomonidan moliyalashtiriladi. 2004 yilda tashkil etilganidan buyon 85 dan ortiq mamlakatlarda taxminan 200 ming talaba dasturda ishtirok etdi. Access O‘zbekistonda 2007 yildan beri faol bo‘lib, Ta’lim va Madaniyat Masalalari Byurosi hamda AQShning Toshkentdagi elchixonasi tomonidan amalga oshirilib kelinadi. Hozirda Amerika Kengashlari O'zbekistondagi Access dasturining 18 ta faol markazlaridan 16 tasini boshqaradi.

Access ingliz tili bilan bir qatorda yoshlarning raqamli savodxonligini hamda Amerika madaniyati boʻyicha bilimlarini oshiradi. 2023 yilgi dastur bitiruvchilari yoz faslida o’tkazilgan Access yozgi oromgohiga qatnashdilar hamda olgan bilim ko’nikmalarini amalda sinash imkoniyatiga ega bo’ldilar.

Access dasturi hozirda O’zbekistonning quyidagi shaharlarida faoliyat yuritmoqda:

Andijon viloyati: Andijon, Bo’ston

Samarqand viloyati: Samarqand

Farg’ona viloyati: Farg’ona, Mindonobod

Qashqadaryo viloyati: Qarshi

Namangan viloyati: Namangan, Norin

Buxoro viloyati: Buxoro, Galaosiyo

Toshkent viloyati: Angren, Chirchiq, Toshkent*

Xorazm viloyati: Urganch, Qo'shko'pir

Jizzax viloyati: Jizzax*

Qoraqalpog’iston: Nukus, Xo’jayli

Amerika Kengashlari 18 ta faol markazlardan 16 tasini boshqaradi. * bilan belgilanlan markazlar esa to’g’ridan-to’g’ri AQSH Elchixonasi tomonidan boshqariladi.

Dasturda qatnashish uchun talablar:

-          Talabalar ikki yillik dasturni yakunlash uchun kamida 13 yosh va 16 yoshdan katta boʻlmasligi va dastur orqali ingliz tili va Amerika madaniyatini oʻrganishga katta qiziqish bildirishi kerak.

-          Dasturda ishtirok etish uchun onlayn ariza to’ldirishlari va suhbatdan o’tishlari kerak.

-          Dasturda ishtirok etmoqchi bo’lgan talabalar Amerika Kengashlari yoki mahalliy Access koordinatorlari bilan bogʻlanib, dastur talablariga mos kelishini aniqlashtirib olsa bo’ladi.

-          2022-2024 va 2023-2025 yilgi dasturlar uchun arizalar qabul qilish hozirda yopilgan.

Dasturda o'qituvchi yoki koordinator sifatida ishtirok etishga qiziquvchilar ushbu sahifada ko'rsatilgan ma'lumotlar orqali Amerika Kengashlariga murojaat qilishlari mumkin.

Dastur bilan aloqa

Xalqaro ta’lim bo’yicha Amerika Kengashlari
Uzbekistan Access dasturi
O’zbekiston Respublikasi, 100070
Toshkent shahri, Yakkasaroy tumani 
Shota Rustavelli ko’chasi, 12-uy
Grand biznes markazi, 304-ofis
T: +998 78 150 71 50
E: access.uz@americancouncils.org